ترکیہ کے صدر رجب طیب اردوان نے یوکرین کے صدر ولودیمیر زیلنسکی سے ٹیلیفونک گفتگو میں کہا کہ ایران میں بڑھتی کشیدگی یوکرین میں امن مذاکرات کی پیش رفت کو متاثر نہیں کر سکتی۔
ترک ایوانِ صدر کے بیان کے مطابق دونوں رہنماؤں نے دوطرفہ تعلقات، خطے کی مجموعی صورتحال اور یوکرین میں جاری جنگ کے بارے میں تفصیلی تبادلۂ خیال کیا۔ صدر اردوان نے امن مذاکرات کو بلا کسی تاخیر جاری رکھنے اور عالمی برادری کے اس معاملے پر مکمل توجہ مرکوز رکھنے پر زور دیا۔
صدر اردوان نے کہا کہ یوکرین میں جنگ کے نتیجے میں ہونے والے نقصانات کی تلافی، تباہ شدہ انفراسٹرکچر کی بحالی اور متاثرہ علاقوں کی تعمیر نو خطے میں پائیدار امن و استحکام کے لیے نہایت اہم ہیں اور موجودہ علاقائی بحرانوں کے باوجود یوکرین میں امن کے لئے جاری کوششوں کو جاری رکھنا اولین ترجیح ہے۔
