قومی تحریک پارٹی(ایم ایچ پی)جو حکومتی اتحاد میں ایک اہم شراکت دار ہے، نے 9 فروری کو انقرہ میں اپنی 57ویں سالگرہ کا جشن منایا۔ اس موقع پر پارٹی کے سربراہ دَولَت باہچیلی نے حکومت کی ” دہشت گردی سے پاک ترکی” مہم کے لیے اپنی وابستگی کا اعادہ کیا۔
تقریب کے دوران اپنے خطاب میں باہچیلی نے کہا کہ ہم نے اپنی آزادانہ سوچ، امن پسند ذہنیت اور ترکی کی تاریخ و ثقافت کے ساتھ عظیم وابستگی کے ساتھ 57 سال کی تاریخ کو پیچھے چھوڑ دیا ہ
باہچیلی نے دہشت گردی مخالف منصوبے کے لیے اپنی وابستگی کو دہرایا، جس کے وہ اہم معمار ہیں۔ انہوں نے کہا، "ہم بھائیوں کے درمیان تصادم کو روکنے کے لیے پرعزم ہیں۔ ایم ایچ پی کسی بھی قیمت کو چکانے کے لیے تیار ہے۔”
انہوں نے مزید کہا کہ ترک قوم، ترک اور کرد کے ساتھ، اپنی فتح مند تاریخ کو مستقبل میں لے جائے گی، اور یہ مقصد حاصل ہوگا چاہے اس کے لیے ہمیں اپنی جانیں قربان کرنی پڑیں۔”
یہ امن مہم پچھلے سال زور پکڑ گئی، جب جیل میں موجود( پی کے کے )کے رہنما عبد اللہ اوجلان کی کال پر دہشت گرد تنظیم نے ہتھیار ڈالنے کا آغاز کیا۔ جولائی میں پہلے گروپ نے ہتھیار جلا دیے اور بعد میں تنظیم نے اکتوبر کے آخر میں ترکی سے دستبرداری کا اعلان کیا۔
باهچیلی نے کہا کہ ہماری واحد طاقت ترک قوم کا صاف ضمیر اور دل ہے۔ قومی تحریک پارٹی ان مخلوط اور کنٹرول شدہ، خود کو قوم پرست کہلوانے والی پارٹیوں کو مسترد اور فراموش کرنے کی کوشش کرے گی۔”
انہوں نے مزید کہا کہ جمہوریہ کے بنیادی اصولوں کو بحث کے لیے کھولنا اور نسلی اختلافات کی بنیاد پر انہیں تباہ کرنے کی کوشش ریاست کی موجودگی پر حملے کے مترادف ہے۔”
پارلیمانی کمیشن اس مہم کی نگرانی کر رہا ہے اور سیاسی جماعتوں کی تجاویز کو ایک متحد دستاویز میں شامل کرنے کی کوشش کر رہا ہے۔
قومی تحریک پارٹی کو 1969 میں آلپر سلن تُرکش کی قیادت میں، ریپبلکن کسان قوم پارٹی کے جانشین کے طور پر قائم کیا گیا۔ اس سال پارٹی نے 3 فیصد ووٹ حاصل کر کے پارلیمنٹ میں قدم رکھا۔ 1970 کی دہائی میں پارٹی کی اثرورسوخ میں اضافہ ہوا، تاہم 1980 کے فوجی بغاوت کے بعد اسے تحلیل کر دیا گیا۔
کئی نام تبدیلیوں اور سیاسی پابندیوں کے بعد، پارٹی 1993 میں دوبارہ ایم ایچ پی کے نام سے ابھری، اور تُرکش نے قیادت دوبارہ سنبھالی۔ تُرکیش کی وفات کے بعد 1997 میں باہچیلی نے قیادت سنبھالی۔
باہچیلی کی قیادت میں، ایم ایچ پی نے انتخابی خوش حالی اور کمی دونوں دیکھی۔ 1999 میں ووٹ کا تقریباً 18 فیصد حاصل کیا، اور بعد میں حکومتی جماعت جسٹس اینڈ ڈیولپمنٹ پارٹی (AKP) کے ساتھ اتحاد بنایا۔ 2023 کے عام انتخابات میں پارٹی نے تقریباً 10 فیصد ووٹ حاصل کیے اور پارلیمنٹ میں 47 نشستیں حاصل کیں۔
