انڈونیشیا کے صدر پرا بووو پاکستان کے سرکاری دورے پر اسلام آباد پہنچے جہاں انہیں اعلیٰ سطحی استقبال دیا گیا۔ اپنے قیام کے دوران صدر پرا بووو وزیرِاعظم محمد شہباز شریف سے وفود کی سطح پر مذاکرات کریں گے جن میں تجارت، دفاع، سرمایہ کاری اور عوامی روابط کے شعبوں میں تعاون کے مزید فروغ پر گفتگو ہوگی۔
صدر پرا بووو ایوانِ صدر میں صدر آصف علی زرداری سے بھی ملاقات کریں گے، جبکہ فوجی سربراہ فیلڈ مارشل سید عاصم منیر کے ساتھ ہونے والی ملاقات میں دفاعی تعاون اور خطے کی سلامتی کی صورتِ حال پر تبادلہ خیال متوقع ہے۔
حکام کے مطابق اس دورے سے پاکستان اور انڈونیشیا کے درمیان اسٹریٹیجک شراکت داری کو نئی جہت ملے گی اور دونوں ممالک اقتصادی اور دفاعی شعبوں میں نئے مواقع سے فائدہ اٹھا سکیں گے۔
—
