کابل حکومت نے پاکستان سے درآمد کی جانے والی تمام ادویات پر پابندی عائد کر دی ہے۔ افغان وزارتِ صحت کے مطابق، مقامی دواساز صنعت کو فروغ دینے اور معیار کو بہتر بنانے کے لیے یہ فیصلہ کیا گیا ہے۔
ذرائع کے مطابق، افغان حکام نے پاکستان کے ساتھ تجارتی روابط کو بھی محدود کرنے اور بتدریج ختم کرنے کا اعلان کیا ہے۔
اقتصادی ماہرین کے مطابق، یہ فیصلہ دونوں ممالک کے درمیان پہلے سے کشیدہ تعلقات کو مزید متاثر کر سکتا ہے، خاص طور پر ایسے وقت میں جب سرحدی تجارت دونوں معیشتوں کے لیے اہم کردار ادا کر رہی تھی۔
پاکستانی حکام نے تاحال اس اعلان پر باضابطہ ردعمل ظاہر نہیں کیا۔
