واشنگٹن:
امریکی صدر ڈونلڈ ٹرمپ نے دعویٰ کیا ہے کہ سعودی عرب جلد ہی ابراہیم معاہدوں میں شامل ہو جائے گا اور اسرائیل کے ساتھ تعلقات معمول پر لانے کے لیے تیار ہے۔
میڈیا سے گفتگو میں ٹرمپ نے کہا کہ انہیں “پورا یقین” ہے کہ ریاض اس سمت میں پیش رفت کرنے کو تیار ہے۔ ان کے بقول، سعودی حکام نے حالیہ رابطوں میں مثبت اشارے دیے ہیں اور خطے میں امن و استحکام کے لیے تعاون بڑھانے کی خواہش ظاہر کی ہے۔
ٹرمپ نے کہا کہ سعودی عرب کی شمولیت ابراہیم معاہدے کو ایک نئی جہت دے گی اور مشرق وسطیٰ میں سفارتی توازن تبدیل ہو جائے گا۔
تاہم سعودی حکام کی جانب سے اس دعوے کی تاحال باضابطہ تصدیق یا تردید نہیں کی گئی۔ ریاض کا مؤقف ہے کہ اسرائیل کے ساتھ مکمل معمول کے تعلقات فلسطینی ریاست کے قیام اور جامع امن فارمولے سے مشروط ہیں
