ڈھاکا:
بنگلہ دیش ایئرفورس نے چین کے ساتھ ٹیکنالوجی منتقلی کے معاہدے کے تحت ملک میں جدید ڈرون طیاروں کی فیکٹری قائم کرنے کا فیصلہ کیا ہے۔ اس منصوبے کے تحت چینی ماہرین نہ صرف ڈرون ٹیکنالوجی فراہم کریں گے بلکہ مقامی انجینئروں کی تربیت بھی کریں گے تاکہ ڈرونز کی تیاری اور آپریشن میں خود انحصاری حاصل کی جا سکے۔
اس کے ساتھ ساتھ چین بنگلہ دیش میں ایک نیا MRO (مینٹیننس، ریپئر اور اوور ہالنگ) پلانٹ بھی تعمیر کرے گا، جو لڑاکا طیاروں کی مرمت اور اپ گریڈیشن کے لیے استعمال ہوگا۔ اس اقدام سے بنگلہ دیش کی ایوی ایشن صلاحیتوں میں نمایاں اضافہ اور دفاعی شعبے میں تکنیکی خود کفالت حاصل ہونے کی توقع ہے۔
دفاعی ماہرین کے مطابق یہ شراکت داری خطے میں دفاعی تعاون کے ایک نئے باب کی علامت ہے جو بنگلہ دیش کے طویل المدتی سکیورٹی وژن کو مضبوط کرے گی۔
