اسلام آباد – پاکستان کے ہونہار طلبہ ترکیہ کے ایک معنی خیز اور یادگار سفر پر روانہ ہو گئے ہیں، جس کا مقصد علم حاصل کرنا، تجربات بانٹنا اور دیرپا ثقافتی تعلقات قائم کرنا ہے۔
یہ منفرد بین الثقافتی رضاکارانہ پروگرام نوجوانوں کو نہ صرف ترکیہ کی تاریخ، ثقافت اور روایات کو قریب سے سمجھنے کا موقع فراہم کرے گا بلکہ انہیں پاکستان کی نمائندگی کرتے ہوئے اپنی اقدار اور علم بھی دوسروں کے ساتھ بانٹنے کا موقع دے گا۔
یہ پروگرام ترکیہ کی وزارتِ نوجوانان و کھیل (T.C. Gençlik ve Spor Bakanlığı)، تیریبولو ینگچلک مرکز (Tirebolu Gençlik Merkezi) اور ترکیہ معارف فاؤنڈیشن (Türkiye Maarif Vakfı) کے اشتراک سے منعقد کیا جا رہا ہے۔
ماہرین کے مطابق ایسے پروگرام دونوں ممالک کے نوجوانوں کے درمیان تعلقات کو مزید مستحکم کرتے ہیں اور عالمی سطح پر امن، بھائی چارے اور ہم آہنگی کے پیغام کو فروغ دیتے ہیں۔
