انقرہ — ترک صدر رجب طیب ایردوان نے حضرت محمد مصطفی ﷺ کی ولادت باسعادت کے موقع پر اپنے پیغام میں رسول اکرم ﷺ کو شاندار خراج عقیدت پیش کیا۔
صدر ایردوان نے کہا کہ وہ عظیم ہستی جو آسمانوں میں ’’احمد‘‘ اور زمین پر ’’محمد‘‘ کہلائی، عرش کے بلند گنبدوں پر جس کا نام نور سے رقم کیا گیا، اور ساتوں آسمانوں میں جس نے حق تعالیٰ کے جمال کا نظارہ کیا، وہی اول و آخر کے قافلے کے رہبر ہیں۔
انہوں نے کہا کہ آج امت مسلمہ اس تاجدارِ کائنات اور محسنِ انسانیت کی دنیا میں آمد کا جشن عقیدت و محبت کے ساتھ منا رہی ہے۔
