چین: ترکیہ کے صدر رجب طیب ایردوان نے شنگھائی تعاون تنظیم کے سربراہی اجلاس سے خطاب کرتے ہوئے کہا ہے کہ شام کی سلامتی اور جغرافیائی وحدت کو خطرے میں ڈالنے والے کسی بھی اقدام کی مخالفت اور مزاحمت کی جائے گی۔
انہوں نے کہا کہ ترکیہ شام کو اس کے پاؤں پر کھڑا کرنے کے لیے ہر ممکن تعاون فراہم کرے گا، کیونکہ شام کی علاقائی سالمیت اور جغرافیائی وحدت کو برقرار رکھنا پورے خطے کے امن و استحکام کے لیے ضروری ہے۔
صدر ایردوان نے زور دیا کہ ترکیہ خطے کے عوام کی مشکلات کم کرنے اور شام سمیت مشرق وسطیٰ میں امن قائم کرنے کے لیے مثبت کردار ادا کرتا رہے گا۔
