باکو : آذربائیجان کے صدر الہام علیوف نے شامی صدر بشار الاسد کے حالیہ رویے پر حیرت اور افسوس کا اظہار کیا ہے۔ ان کا کہنا تھا کہ ہمارے لیے یہ بات بہت عجیب تھی کہ بشار الاسد نے آذربائیجان کے بجائے آرمینیا کا ساتھ دیا۔صدر علیوف نے کہا کہ آذربائیجان نے ہمیشہ شامی عوام کی مشکلات کے وقت ان کے ساتھ ہمدردی اور تعاون کیا، لیکن اس کے باوجود شامی صدر کا آرمینیا کے حق میں کھڑا ہونا باعثِ تعجب ہے۔ انہوں نے مزید کہا کہ آذربائیجان اپنی خارجہ پالیسی قومی مفادات کے مطابق جاری رکھے گا اور کسی بھی غیر منصفانہ مؤقف کو قبول نہیں کرے گا۔سیاسی مبصرین کے مطابق، بشار الاسد کے اس رویے نے قفقاز خطے میں سفارتی کشیدگی کو ایک نئی جہت دے دی ہے۔
