انقرہ :ترکیہ کے صدر رجب طیب ایردوان نے کہا ہے کہ ترکیہ اور شام کی کامیابی مقدر ہے اور انقرہ و دمشق خطے میں غالب رہیں گے۔صدر ایردوان نے اپنے بیان میں کہا کہ ترکیہ خطے میں مستقل امن کا خواہاں ہے اور چاہتا ہے کہ تمام مسائل کو جنگ کے بجائے مذاکرات اور سفارت کاری کے ذریعے حل کیا جائے۔ انہوں نے زور دیا کہ استحکام اور بھائی چارہ ہی خطے کے عوام کی اصل ضرورت ہے۔سیاسی تجزیہ کاروں کے مطابق صدر ایردوان کا یہ بیان ترکیہ اور شام کے درمیان تعلقات میں ممکنہ بہتری اور خطے میں نئی سفارتی پیش رفت کی نشاندہی کرتا ہے۔
