کراچی: پاکستان کرکٹ ٹیم کے سابق کپتان وسیم اکرم نے بھارت کی جانب سے کھیلوں کے تعلقات محدود کرنے کے فیصلے پر ردعمل دیتے ہوئے کہا ہے کہ پاکستان کو بھارت کے ایشیا کپ میں نہ کھیلنے سے کوئی فرق نہیں پڑے گا۔وسیم اکرم نے کہا کہ اگر بھارتی اپنے ملک کے لیے محب وطن ہیں تو پاکستانی بھی کسی سے کم نہیں۔ "پاکستانی عوام اور کھلاڑی اپنے وطن کے لیے بھرپور جذبہ رکھتے ہیں اور ہمیں صرف اپنے کھیل پر توجہ دینی چاہیے، چاہے بھارت کھیلے یا نہ کھیلے۔”انھوں نے مزید کہا کہ پاکستان کرکٹ کو اپنی صلاحیت، کارکردگی اور عوام کی محبت پر اعتماد ہے، اور ٹیم ہر حال میں ایونٹس میں اپنی بہترین کارکردگی دکھانے کے لیے تیار ہے۔
