انقرہ/دمشق: ترکیہ اور شام کے درمیان فوجی تعاون کا نیا معاہدہ طے پا گیا ہے، جس کے تحت شامی فوج کو جدید خطوط پر استوار کرنے کے لیے تربیتی کورسز کرائے جائیں گے۔ معاہدے کے مطابق ترکیہ کے فوجی ماہرین شامی افواج کو کمانڈ اور کنٹرول کے ڈھانچے کو مضبوط بنانے کے لیے تکنیکی معاونت فراہم کریں گے۔فوجی ذرائع کے مطابق یہ اقدام دونوں ممالک کے تعلقات میں ایک اہم پیش رفت ہے، جو خطے میں سیکیورٹی اور دفاعی تعاون کو مزید مضبوط بنانے کا باعث بنے گا۔ تجزیہ کاروں کا کہنا ہے کہ اس شراکت داری سے شام کی دفاعی صلاحیتوں میں نمایاں اضافہ ہوگا اور خطے میں استحکام کے امکانات بڑھیں گے۔
