اسلام آباد —پاکستان میں ترکیہ کے سفیر عرفان نزیر اوغلو نے فیڈرل جوڈیشل اکیڈمی کے زیر اہتمام منعقدہ قومی سیمینار "عدالتی فلاح و بہبود” کی اختتامی نشست میں شرکت کی۔ اس موقع پر اُنہوں نے پاکستان کے معزز چیف جسٹس جناب جسٹس یحییٰ آفریدی سے بھی ملاقات کی۔ملاقات کے دوران دوطرفہ عدالتی تعاون، عدالتی اصلاحات، اور قانونی شعبے میں تربیتی مواقع کے فروغ پر تبادلہ خیال کیا گیا۔ دونوں ممالک کے درمیان قانونی میدان میں اشتراک کو مزید وسعت دینے کے عزم کا اعادہ کیا گیا۔ترک سفیر کی شرکت کو پاکستان اور ترکیہ کے دیرینہ اور مضبوط تعلقات کی علامت قرار دیا جا رہا ہے، خاص طور پر قانونی اور عدالتی شعبے میں تعاون کو نئی جہت دینے کے تناظر میں۔
