ترکیہ میں قرآنِ کریم کی خوبصورت تلاوت کا 10واں بین الاقوامی فاتحین مقابلہ اپنی روح پرور اختتامی تقریب کے ساتھ کامیابی سے اختتام پذیر ہوا۔
اس تقریب سے خطاب کرتے ہوئے ترک صدر رجب طیب ایردوان نے دعا کی کہ یہ بابرکت پروگرام خیر و برکت کا باعث بنے اور دنیا بھر میں قرآنِ کریم سے محبت کو فروغ دے۔
مقابلے میں مختلف ممالک سے آئے ہوئے قراء حضرات، حفاظ کرام اور علمائے دین نے شرکت کی اور قرآنِ پاک کی خوبصورت لہجے میں تلاوت کر کے حاضرین کے دلوں کو منور کیا۔
تقریب کے دوران منتظمین کی جانب سے قابلِ احترام اساتذہ، حفاظ اور دیگر معزز مہمانوں کا شکریہ ادا کیا گیا جنہوں نے اس تقریب کو رونق بخشی اور قرآن سے وابستگی کے جذبے کو اُجاگر کیا۔
یہ مقابلہ نہ صرف قرآنِ کریم کی تعلیمات کو عام کرنے کا ذریعہ ہے بلکہ امت مسلمہ کے مابین اتحاد و یگانگت کو بھی فروغ دیتا ہے۔
