قدرتی آفات سے نمٹنے کے لیےترکیہ کے ادارے ٹِکا کے تعاون سے پاکستان کی بڑی رفاحی تنظیم الخدمت فاؤنڈیشن کے تحت دو روزہ تربیتی ورکشاپ کا انعقاد ہوا۔
وکشاپ میں ریسکیو 1122 کے ماہرین نے الخدمت فاؤنڈیشن کے رضا کاروں کو آگ، سیلاب، زلزلہ اور دیگر ہنگامی حالات سے نمٹنے کی تربیت دی۔
ورکشاپ کے اختتام پر مرکزی سیکرٹریٹ میں خصوصی تقریب منعقد ہوئی۔ تقریب میں ترک قونصلر جنرل لاہور ڈاکٹر علی ارباش، ٹِکا اسلام آباد کے سربراہ محسن بالچی، الخدمت فاؤنڈیشن کے نائب صدر احسان اللہ وقاص، ترکش ائیر لائنز لاہور کے جی ایم عمر اوندر اور پاک ترک معارف اسکول کے ذمہ داران سمیت متعدد اہم شخصیات نے شرکت کی۔
ترک قونصل جنرل لاہور ڈاکٹر علی ارباش نے کہا کہ ترکیہ پاکستان کے ساتھ ہر قسم کے فلاحی تعاون کو فروغ دینا چاہتا ہے۔
ٹکا اسلام آباد کے سربراہ محسن بالچی نے بتایا کہ ٹکا کی جانب سے الخدمت فاؤنڈیشن کو بہت سی سرگرمیوں میں مکمل تعاون حاصل ہے۔
الخدمت فاؤنڈیشن کے نائب صدر احسان اللہ وقاص نے کہا کہ یوں تو تمام مسلم ممالک آپس میں بھائی ہیں مگر ترکیہ اور پاکستان کے برادرانہ تعلقات سبے بھائیوں کی طرح زیادہ مضبوط اور گہرے ہیں۔ الخدمت فاؤنڈیشن کی جانب سے پاکستان ترکیہ تعلقات کے فروغ میں خدمات سر انجام دینے پر ترکیہ اردو کو بھی سراہا گیا ۔
تقریب کے اختتام میں ورکشاپ میں شامل ہونے والے شرکاء میں سرٹیفکیٹس تقسیم کیے گئے اور مہمانوں کو اعزازی شیلڈز سے نوازا گیا۔
