جماعت اسلامی پاکستان کے ڈائیریکٹر امور خارجہ آصف لقمان قاضی نے آج اسلام آباد میں ترکیہ کے سفیر عرفان نذیر اوغلو سے ملاقات کی۔
ملاقات میں آصف لقمان قاضی نے ترک سفیر کو موجودہ سیاسی صورت حال میں جماعت اسلامی کے موقف سے آگاہ کیا۔
ترک سفیر عرفان نذیر اوغلو نے کہا کہ
پاکستان اور ترکیہ کے تعلقات کی نوعیت بہت خاص اور منفرد ہے۔ ہم حکومتوں کے علاوہ عوامی سطح پر تعلقات مضبوط کرنے کے لئے پرعزم ہیں۔
آصف لقمان قاضی نے کہا کہ جماعت اسلامی کے ترکیہ کے ساتھ عوامی سطح پر قدیم تعلقات ہیں۔ ہم سمجھتے ہیں کہ دونوں ممالک کو دفاعی، اقتصادی اور بین الاقوامی امور میں مزید قریب آنا چاہئیے۔ پاکستانی قوم کا ترکیہ کے ساتھ جذباتی لگاؤ ہے۔
