پاک بحریہ کے ہیڈکوارٹر اسلام آباد میں ترکیہ کے سفیر عرفان نذیر اوغلو نے پاک بحریہ کے سربراہ ایڈمرل نوید اشرف سے ملاقات کی۔ ملاقات میں دونوں ممالک کے درمیان دفاعی تعاون کو فروغ دینے پر تبادلہ خیال کیا گیا۔ ترکیہ کے سفیر عرفان نذیر اوغلو نے دونوں ممالک کے برادرانہ دفاعی تعلقات کو سراہا، اور پاکستان بحریہ کی پیشہ ورانہ مہارتوں کو خراجِ تحسین پیش کیا۔
پاک بحریہ کے سربراہ ایڈمرل نوید اشرف نے بھی دونوں ممالک کے دفاعی تعاون کو مضبوطی کی علامت قرار دیا۔ پاکستان بحریہ کے سربراہ نے دفاعی شعبوں میں ترکیہ سے تعاون کو مزید فروغ دینے کے عزم کا اعادہ بھی کیا۔
