صدر ایردوان اور وزیر خارجہ حاقان فیدان نے امریکی وزیر خارجہ انٹونی بلنکن سے ملاقات کی۔
ملاقات میں مسلمانوں پر جاری قتل عام سمیت دیگر مسائل پر بات چیت اور انہیں حل کرنے کے اقدامات پر تبادلہ خیال کیا گیا۔
ترکیہ کی طرف سے سویڈن کی نیٹو بولی کی توثیق، اور ترکیہ کو F-16 لڑاکا طیاروں کی فروخت کے لیے امریکی منظوری پر بھی تبادلہ خیال کیا گیا۔
استنبول کی وحیدتین مینشن میں منعقد ہونے والی اس ملاقات میں ترکیہ کی قومی انٹیلی جنس آرگنائزیشن (MIT) کے سربراہ ابراہیم قالن اور انقرہ میں امریکی سفیر جیفری فلیک بھی شامل تھے۔
بند کمرے کی میٹنگ کے بارے میں مزید کوئی معلومات شیئر نہیں کی گئیں۔
ترک وزارت خارجہ نے ایکس پر کہا کہ میٹنگ میں وزراء نے فلسطین میں جنگ اور انسانی بحران، سویڈن کے نیٹو میں شمولیت کے عمل، دو طرفہ اور علاقائی مسائل پر تبادلہ خیال کیا۔
ترکیہ کے اپنے دورے کے بعد، 11 جنوری تک، بلنکن یونان، اردن، قطر، متحدہ عرب امارات، سعودی عرب، اسرائیل، مغربی کنارے اور مصر کا دورہ کریں گے۔
