6 فروری کو جنوب مشرقی ترکیہ میں دو تباہ کن زلزلوں کے آنے کے بعد، ملک کی وزارت داخلہ نے ڈاؤن سنڈروم کے متاثرین کے لیے ایک "+1 اسٹریٹ” قائم کی۔
قہرمانماراش امام یونیورسٹی میں واقع ایک کنٹینر سٹی میں، سماجی جگہوں اور سرگرمیوں کے ساتھ +1 سٹریٹ ڈاؤن سنڈروم والے افراد اور ان کے خاندانوں کے لیے بنائی گئی ہے۔
زلزلہ متاثرین کی تمام ضروریات AFAD (ڈیزاسٹر اینڈ ایمرجنسی مینجمنٹ اتھارٹی) کے تعاون سے پوری کی جاتی ہیں، اور کنٹینرز گرم پانی، باورچی خانے، باتھ روم اور بیت الخلا جیسی سہولیات سے لیس ہیں۔
ایک اضافی کروموسوم کے ساتھ، ڈاؤن سنڈروم کے شکار افراد کو سیکھنے میں عام انساان کے مقابلے دشواری کا سامنا کرنا پڑتا ہے اور انہیں باقاعدہ دیکھ بھال کی ضرورت ہوتی ہے۔
+1 اسٹریٹ کی سماجی جگہوں پر شارٹ کورسز اور بچوں کے کھیل کے میدان، اور ایک قریبی جنگل شامل ہے جہاں وہ کھیلوں کی سرگرمیاں منعقد کرتے ہیں۔
ساکاریہ کے گورنر سیٹن اوکتے کلدیریم، جو قہرمانماراش میں کوآرڈینیٹنگ گورنر کے طور پر کام کرتے ہیں، نے میڈیا کو بتایا کہ فی الحال زیادہ حساسیت کی ضرورت کے لیے خصوصی کام کیے جا رہے ہیں۔
یہ بتاتے ہوئے کہ زلزلوں کے بعد ابتدائی ضروریات اور لوگوں کی موجودہ ضروریات میں فرق ہے، کلدیریم نے اس بات پر زور دیا کہ انہوں نے +1 اسٹریٹ بنائی ہے جو زلزلہ زدگان کو درکار تمام خدمات اور سرگرمیاں فراہم کرتی ہے۔
زلزلے سے متاثر ہونے والی ایک ماں رابعہ ایرن نے وضاحت کی کہ زلزلے کے دوران ان کے گھر کو شدید نقصان پہنچا اور ڈاؤن سنڈروم کے شکار ان کے دو بچے +1 اسٹریٹ پر ٹھہرے جہاں دیگر بچے بھی ٹھرے ہوئے ہیں۔
ڈاون سنڈروم میں مبتلا ایک اور شخص ایسرا ایرن نے اپنے دوستوں کے ساتھ رہنے پر خوشی کا اظہار کیا اور +1 اسٹریٹ قائم کرنے میں مدد کرنے والوں کا شکریہ ادا کیا۔
