صدر ایردوان کا کہنا تھا کہ ترکیہ کے بہترین مستقبل کے لیے ہمارا خواتین کا لیبر پروگرام 45 ہزار سے زیادہ خواتین کو اپنے خوابوں کو حقیقت کی شکل دینے میں مدد فراہم کرے گا۔
صدر ایردوان نے استنبول میں منعقدہ ‘محنت نسواں سربراہی اجلاس’ میں شرکت کی۔
انہوں نے خواتین انٹرپرائزرز اور خواتین کوآپریٹو سوسائٹیوں کے لئے امدادی پیکیج کا اعلان کیا۔
تقریب سے خطاب کرتے ہوئے انکا کہنا تھا کہ ہمارے ملک میں کیے گئے سب جمہوری اور ترقیاتی اقدامات کی طرح حالیہ 20 سالہ عرصے میں کی گئی تمام اصلاحات میں بھی خواتین کا بڑا ہاتھ ہے۔
ہم ترکیہ کے سو سالوں کو بھی آپ کے ساتھ مل کر تعمیر کریں گے۔
انکا کہنا تھا کہ ہم نے ہر شعبے میں مثبت امتیازات فراہم کر کے خواتین کو ان کے اہداف تک رسائی میں مدد کی ہے۔
صدر ایردوان نے کہا کہ ہم امدادی پیکیجز ،کاروباری مراکز سے منصوبوں تک، انرجی سے ٹیکنالوجی تک، ڈیجیٹلائزیشن سے ہاوسنگ تک متعدد پہلوؤں کا احاطہ کریں گے۔
انکا کہنا تھا کہ عورتوں کو نظر انداز کرنے والا معاشرہ اپنی صلاحیت اور طاقت کے نصف حصے کو نظر انداز کر دیتا ہے۔
عورت کنبے کا بنیادی ستون ہے اور یہ ایک حقیقت ہے کہ ہمارے ملک میں ڈویلپمنٹ کے ساتھ ساتھ سیاست میں بھی عورت کے وجود اور اثر و رسوخ میں اضافہ ہوا ہے۔
مضبوط کنبے کے بغیر مضبوط ملت کا قیام ناممکن ہے۔
