سربیا میں جاری عالمی ریسلنگ چیمپئن شپ 2022میں ترک ریسلر نے پانچویں بار ریسلنگ چیمپئن شپ کا ٹائٹل اپنے نام کیا ۔
32 سالہ ترک کھلاڑی رضا کیالپ نے گریکو رومن کی 130 کلوگرام کیٹیگری کے فائنل میں ایران کے امیں مرزا کو شکست دے کر چیمپئن شپ کا ٹائٹل اپنے نام کیا ۔ رضا کیالپ مجموعی طور پر اب تک عالمی ریسلنگ چیمپئن کے پانچ ٹائٹل اپنے نام کر چکے ہیں ۔ ترک ریسلر نے 2011 میں استنبول میں ہونے والے گریکو رومن کے 120 کلوگرام کیٹیگری میں پہلی بار ٹائٹل اپنے نام کیا، پھر 2015 میں لاس ویگاس، 2017 میں میں پیرس اور 2019 میں قزکستان میں 130کلوگرام کے مقابلوں میں بھی چیمپئن کا ٹائٹل اپنے نام کیا
اس کے علاوہ رضا کیالپ کو گیارہ یورپی چیمپئن شپ جیتنے کا اعزاز بھی حاصل ہے جو ترکیہ میں سب سے زیادہ ہیں اس کے علاوہ انہوں نے لندن اور ٹوکیو میں ہونے والے اولمپک گیمز میں بھی دو کانسی کے تمغے جیتے
