ترکیہ کی وزارت دفاع کا کہنا ہے کہ ملک کی اناج کی برآمدات کی بحالی کے لیے استنبول کے ایک تاریخی معاہدے کے تحت پانچ مزید بحری جہاز یوکرین کی بندرگاہوں سے روانہ ہو گئے ہیں۔
بحری جہازوں کی روانگی کے مقامات یا منزلوں کا انکشاف کیے بغیر، وزارت کا کہنا تھا کہ یوکرین کی بندرگاہوں سے اناج کی ترسیل منصوبہ بندی کے مطابق جاری رہی۔
ترکیہ ، اقوام متحدہ، روس اور یوکرین نے 22 جولائی کو استنبول میں ایک معاہدے پر دستخط کیے جس کے تحت یوکرین کے بحیرہ اسود کی تین بندرگاہوں سے اناج کی برآمدات دوبارہ شروع کی جائیں گی، جو فروری میں روس-یوکرین جنگ شروع ہونے کے بعد روک دی گئی تھیں۔
ترسیل کی نگرانی کے لیے استنبول میں تینوں ممالک اور اقوام متحدہ کے حکام کے ساتھ ایک مشترکہ رابطہ مرکز قائم کیا گیا ہے۔
یکم اگست کو معاہدے کے تحت پہلا بحری جہاز روانہ ہونے کے بعد سے، کم از کم 100 جہاز یوکرین سے25 لاکھ ٹن سے زیادہ زرعی مصنوعات لے کر جا چکے ہیں۔
