ترکی اور آذربائیجان کے وزرائے خارجہ نے سفارتی تعلقات کے 30سال مکمل ہونے پر دونوں ریاستوں کے درمیان مضبوط تعلقات کو مثالی قرار دے دیا۔
ترکی کے وزیر خارجہ میولوت چاوش اوغلو کا کہنا تھاکہ ٹرانس کیسپیئن ایسٹ ویسٹ مڈل کوریڈور انتہائی اہمیت کا حامل ہے۔
اس دوران روس کے وزیر خارجہ سرگئی لاوروف کے بدھ کو انقرہ کے آئندہ دورے کا حوالہ دیتے ہوئے، چاوش اوغلو نے یہ بھی کہ کہ اس بات کو یقینی بنانے کے لیے کہ ہمارے یورپی دوست توانائی کے بحران سے کم متاثر ہوں، ہم اپنی پوری کوشش کر رہے ہیں۔
چاوش اوغلو کا مزید کہنا تھا کہ آنے والے دنوں اور ہفتوں میں، ہم قازقستان اور ترکمانستان کے ساتھ توانائی اور لاجسٹکس کے حوالے سے ان مسائل سے نمٹنے کے لیے سہ فریقی اجلاس بلائیں گے۔
یوریشیائی خطے میں خوشحالی اور بہبود میں حصہ ڈالنا ہماری خارجہ پالیسی کی ترجیحات میں شامل ہے۔
وزیر خارجہ کا کہنا تھا کہ ٹرانس کیسپیئن ایسٹ ویسٹ مڈل کوریڈور اقدام سٹریٹجک اہمیت کا حامل ہے، یہ نوٹ کرتے ہوئے کہ ترکی، آذربائیجان اور قازقستان کے وزرائے خارجہ اور ٹرانسپورٹیشن 27 جون کو آذربائیجان کے دارالحکومت باکو میں ملاقات کریں گے۔
