عازمین حج کے لیے سعودی جنرل اتھارٹی آف سول ایوی ایشن گاکا نے کورونا وائرس ٹیسٹ سے متعلق پالیسی گائیڈ لائن میں تبدیلی کردی ۔
پی آئی اے سمیت تمام ائیرلائنز کو نیا ہدایت نامہ جاری کردیا گیا۔
سعودی سول ایوی ایشن نے حج کے لیے پاکستان سمیت دنیا بھر سے آنے والے عازمین حج کے لیے سعودی عرب روانہ ہونے سے 72 گھنٹے قبل کورونا ٹیسٹ لازمی قراردےدیا۔
اس سے قبل سعودی ایوی ایشن نے 48 گھنٹے قبل کورونا وائرس ٹیسٹ کی شرط رکھی تھی۔
سعودی سول ایوی ایشن کے مطابق کورونا سے متعلق پالیسی گائیڈ لائن کی خلاف ورزی پر سعودی وزارت صحت کے قوانین کے تحت کارروائی ہوگی ۔
آنے والے عازمین حج کی عمر 65 سال سے کم ہونا لازمی قرار دیا گیا ہے ۔
Tags: حج کورونا ٹیسٹ
