ترک دفتر خارجہ نے القدس بلدیہ سے منسلک ریجنل پلاننگ اینڈ کنسٹرکشن کمیٹی کی جانب سے مقبوضہ القدس میں 3 ہزار 557 نئی رہائشی بستیوں پر محیط 5 کالونیو ں کے منصوبے کی شدید مذمت کی ہے۔
وزارتِ کی جانب سے تحریری بیان میں اس بات کی یاد دہانی کرائی ہے کہ مقبوضہ فلسطینی سر زمین پر اسرائیل کی آباد کاریا ں اقوام متحدہ کی قرار دادوں سمیت بین الاقوامی قوانین کی خلاف ورزی ہے۔
اعلامیہ میں واضح کیا گیا ہے کہ جغرافیائی سالمیت کے برخلاف اور ریاست فلسطین کے قیام کی راہ میں رکاوٹیں کھڑی کرنے والی کاروائیاں دو مملکتی حل کے نکتہ نظر اور پائدار امن کے لیے خطرہ ثابت ہو رہی ہیں۔
اسرائیل کی جانب سے سن 1967 میں قبضہ کردہ دریائے اُردن کے مغربی کنارے پر اڑھائی سو سے زائد یہودی بستیاں قائم کی گئی ہیں۔ یہاں پر قیام پذیر یہودی آباد کار مقبوضہ علاقے میں مقیم فلسطینیوں کی زندگیوں کو اجیرن بنا رہے ہیں۔
