ابوظہبی ڈیولپمنٹ ہولڈنگ کمپنی ترکی میں 10 ارب ڈالر کی سرمایہ کاری کرے گی، محمد بن زاید کا صدر ایردوان سے ملاقات میں اعلان۔
توانائی، انفرااسٹرکچر، دفاع، سیاحت اور فنانس اور ماحولیات کے شعبوں میں سرمایہ کاری کی جائے گی۔
ولی عہد ترکی کے صدر رجب طیب ایردوان کی دعوت پر انقرہ پہنچے۔
النہیان کا 2012 کے بعد ترکی کا یہ پہلا دورہ ہےاور حالیہ برسوں میں متحدہ عرب امارات اور ترکی کے درمیان پہلی اعلی سطحی ملاقات بھی۔
صدر ایردوان اور ابو ظہبی کے ولی عہد کے درمیان ون آن ون بات چیت کے بعد معاہدے پر دستخط کیے گئے۔
ترکی اور متحدہ عرب نے منی لانڈرنگ اور دہشت گردی کی مالی معاونت کو روکنے اور مالیاتی معلومات کے تبادلے کے لیے معاہدے پر دستخط کیے۔
ابوظہبی پورٹس کمپنی اور ترکی ویلتھ فنڈ (TVF) کے درمیان ایک اور ایم او یو پر دستخط ہوئے۔
ابوظہبی ڈویلپمنٹ ہولڈنگ کمپنی (ADQ)، متحدہ عرب امارات کے ریاستی سرمایہ کاری فنڈ، اور TVF نے دو مفاہمتی معاہدوں پر دستخط کیے۔
ابوظہبی ڈویلپمنٹ ہولڈنگ کمپنی کے چیف ایگزیکٹو آفیسر (سی ای او) نے اعلان کیا کہ متحدہ عرب امارات نے ترکی میں سرمایہ کاری کے لیے 10 بلین ڈالر کا فنڈ مختص کیا ہے۔
ADQ اور ترکی کے صدارتی سرمایہ کاری کے دفتر، ابوظہبی سیکیورٹیز ایکسچینج (ADX) اور ترکی کے بورسا استنبول کے درمیان مفاہمت کے معاہدوں پر بھی دستخط کیے گئے۔
دریں اثنا، جمہوریہ ترکی کے مرکزی بینک اور متحدہ عرب امارات کے مرکزی بینک نے بھی ایک مفاہمت نامے پر دستخط کیے ہیں۔
دونوں ممالک نے کسٹم سے متعلق معاملات پر انتظامی تعاون اور شراکت داری کے معاہدے پر دستخط کئے۔
انقرہ اور ابوظہبی نے توانائی اور ماحولیات کے شعبوں میں مفاہمت کی یادداشتوں پر بھی دستخط کیے۔
قبل ازیں متحدہ عرب امارات کے صنعت اور جدید ٹیکنالوجی کے وزیر سلطان الجابر نے کہا کہ وہ ترکی کے ساتھ مختلف شعبوں میں مزید سرمایہ کاری اور تعاون کے لیے نئے اہداف مقرر کرنے کے لیے تیار ہیں۔
