کابل میں ایک کرکٹ میچ کے دوران طالبان اور افغانستان کے پر چم ایک ساتھ لہرائے گئے ہیں۔
کابل انٹرنیشنل کرکٹ اسٹیڈیم میں ہونے والا ٹی ٹوئنٹی ٹرائل میچ پیس ڈیفینڈرز اور پیس ہیروز کی ٹیموں کے درمیان کھیلا گیا۔
میچ کے دوران دیکھا گیا کہ کچھ تماشائیوں کے ہاتھ میں طالبان کے پرچم تھے جبکہ بعض شائقین نے افغانستان کے جھنڈے اٹھائے ہوئے تھے۔
گزشتہ ماہ طالبان کے افغانستان پر قبضے کے بعد یہ پہلا کرکٹ میچ کھیلا گیا ہے ، میچ کے دوران مسلح طالبان جنگجو تماشائیوں کو سکیورٹی دینے کے ساتھ ساتھ میچ بھی دیکھتے رہے ۔
میڈیا سے بات کرتے ہوئے ایک طالبان کمانڈر کا کہنا تھا کہ یہاں آنا اور کرکٹ دیکھنا بہت اچھا ہے۔
