پاکستانی چیف آف آرمی سٹاف جنرل قمر جاوید باجوہ نے کہا ہے کہ پاکستان افغانستان کے ساتھ وسیع البنیاد تعلقات کا خواہاں اور افغان عوام کے ساتھ کھڑا ہے، افغانستان میں دیرپا امن کی خاطر ہر ممکن اقدامات کیلئے تیار ہیں۔ آرمی چیف جنرل قمر جاوید باجوہ نے ان خیالات کا اظہار جی ایچ کیو راولپنڈی میں آٹھ رکنی اعلیٰ سطح کے افغان وفد سے ملاقات کے دوران کیا۔
پاک فوج کے شعبہ تعلقات عامہ کے مطابق ملاقات میں افغانستان کی موجودہ صورتحال پر تفصیل سے تبادلہ خیال کیا گیا۔ آرمی چیف جنرل قمر جاوید باجوہ نے کہا کہ افغانستان میں قیام امن خطے کے امن و خوشحالی کیلئے انتہائی اہم ہے۔پاکستان افغانستان کے عوام کے شانہ بشانہ کھڑا ہے۔
جنرل قمر جاوید باجوہ نے کہا کہ سب کی شمولیت کے ساتھ تصفیہ علاقائی امن و استحکام کے لئے اہم ہے۔افغان وفد نے افغانستان میں امن و استحکام کے لئے پاکستان کی کاوشوں اور کردار کو سراہا۔ افغان وفد نے افغانستان کی سماجی و اقتصادی ترقی اور قیام امن و استحکام کیلئے پاک فوج کی قربانیوں کو بھی سراہا
