یوکرینیئن کمپنی نے کہا ہے کہ پاکستان ایئر فورس کی جانب سے اسے اپنے فضامیں ایندھن بھرنے والے طیاروں کی اوور ہال اور مرمت کا کنٹریکٹ ایوارڈ کیا گیا ہے۔ یہ معاہدہ ہ دارلحکومت کیو میں ہونیوالی آرمز اور سیکورٹی 2021 نمائش میں طے پایا۔ اس سےپہلے اسی کمپنی کوگزشتہ برس جون میں میں آئی ایل 78 فضامیں ایندھن بھرنے والے (ٹینکر رفیولر) طیارے کی مرمت اور اوور ہال کا کنٹریکٹ دیا کیا گیا تھا۔ اب ممکنہ طور پر دوسرے طیارے کی اوور ہال کے لیے یہ معاہدہ طے پایا ہے۔ یاد رہے کہ پاک فضائیہ اسوقت چار آئی ایل 78فضا میں ایندھن بھرنے والے طیارے استعمال کرتی ہے۔ ان طیاروں کو بوقت ضرورت بھاری کارگو مقاصد کے لے بھی استعمال کیا جاتا ہے۔ یہ طیارے پاکستان نے یوکرین سے ہی خریدے تھے۔ پہلا طیارہ دسمبر 2009 میں پاکستان پہنچا تھا۔ جبکہ ٹوٹل چار طیاروں کی ترسیل 2012 میں مکمل ہوئی تھی۔
