بھارت کی حکومت نے کورونا کی بد ترین صورتحال پر حکومت کو تنقید کا نشانہ بنانے والے ٹوئٹر اکاونٹس کے خلاف کریک ڈاون کی درخواست دے دی۔
بھارتی حکومت نے سماجی رابطے کی ویب سائٹ ٹوئٹر کو ایک درخواست دی ہے جس میں کورونا کی صورتحال سے بہتر انداز میں نہ نمٹنے پر حکومت کو تنقید کا نشانہ بنانے والے ٹوئٹر اکاونٹس کے خلاف کریک ڈاون کا مطالبہ کیا گیا ہے۔
بھارتی حکومت کی جانب سے ٹوئٹر کو جن ٹوئٹس کا حوالہ دیا گیا ہے ان میں کئی بھارتی قانون دانوں کے ٹوئٹر اکاونٹس بھی شامل ہیں۔
میڈیا رپورٹس کے مطابق بھارتی حکومت نے اس حوالے سے ہنگامی بنیادوں پر ٹوئٹس کا سینسر کرنے کا حکم دیا گیا ہے۔
بھارتی حکومت نے اس درخواست میں انفارمیشن ٹیکنالوجی ایکٹ 2000 کا حوالہ بھی دیا ہے۔
ٹوئٹر کا کہنا ہے کہ جب ہم مصدقہ قانونی درخواست وصول کرتے ہیں تو ہم اس کا ٹوئٹر قوائد و ضوابط اور مقامی قانون کے تحت جائزہ لیتے ہیں،اگر مواد ٹوئٹر کے قوائد کی خلاف ورزی کرتا ہے تو اسے پلیٹ فارم سے ہٹا دیا جاتا ہے۔
بھارتی وزارت ٹیکنالوجی کا کہنا ہے کہ انہوں نے ٹوئٹر کو 100 پوسٹیں ہٹانے کی درخواست کی ہے جو کورونا وائرس کے حوالے سے غلط معلومات اور بھارت کی صورتحال پر خوف پھیلانے پر مبنی ہیں جب کہ یہ سوشل میدیا کا غلط استعمال بھی ہے۔
