مقبول میسجنگ ایپ واٹس ایپ نے اپنے اینڈرائیڈ صارفین کے لیے بیٹا ورژن متعارف کروادیا ہے اور ساتھ ہی واٹس ایپ انتظامیہ کی جانب سے واٹس ایپ کے نئے ورژن 2.21.9.3. کی اپ ڈیٹ گوگل پلے بیٹا پروگرام کے ذریعے جمع کروادی گئی ہے۔
تاہم واٹس ایپ صارفین کو اس اپ ڈیٹ کے متعلق جان کر خوشی ہو گی کیوں کہ اس ا پ ڈیٹ کے ذریعے ’Self Destructive Photos And Videos feature ‘جلد ہی واٹس ایپ
فیچر متعارف کروانے جا رہا ہے۔
اس فیچر کے تحت واٹس ایپ صارفین کے پاس یہ آپشن موجود ہو گا کہ وہ اس فیچر کو ان ایبل کر کے کسی کو بھی تصاویر، وڈیوز یا جف بھیجیں گے تو وہ بھیجے جانے والے کے دیکھنے کے بعد خود بخود غائب ہو جائے گی۔
واٹس ایپ کی ہر سرگرمی پر نظر رکھنے والی سائٹ ویب بیٹا انفو کے مطابق واٹس ایپ اس فیچرپر کام کررہا ہے اور جلد اس فیچر کو متعارف کرادیا جائے گا۔
واٹس ایپ کے مطابق اس فیچر کے ذریعے صارفین کو اپنی تصاویر اور ویڈیوز کو مزید پرائیویٹ کرنے میں مدد ملے گی کیونکہ اس کے تحت پیغام وصول کرنے والا آپ کی تصاویر یا ویڈیوز کو غائب ہونے سے پہلے تک ہی کھول سکتا ہے۔
واٹس ایپ کا مزید کہنا ہے کہ پیغام وصول کرنے والا پیغام بھیجنے والے کی تصاویر محفوظ کرنے کے لیے اسکرین شاٹ بھی لے سکتا ہے تاہم اس کے باوجود انتظامیہ اس قسم کے میڈیا کے لیے اسکرین شاٹ یا ویڈیو کیپشن کوروکنے والا کوئی فیچر متعارف نہیں کروانا چاہتی۔
