ترک وزارت خارخہ نے ترکی اور چین کے سفارتی تعلقات کے 50 سال مکمل ہونے پر کہا کہ ہم ترکی۔چین تعلقات کو جامع اسٹریٹجک اشتراک کی سطح پر لانا چاہتے ہیں۔
وزیر خارجہ میولودت چاوش اولو نے انقرہ میں اپنے چینی ہم منصب وانگ ژی کے ساتھ ملاقات کے بعد بین الوفود مذاکرات کئے۔
بین الوفود مذاکرات سے قبل خطاب میں انہوں نے کہا ہے کہ ہمیں، ترکی میں چین کے صدر شی جِن پنگ کی میزبانی کر کے، خوشی محسوس ہو گی ۔ اس وسیلے سے ہم دو طرفہ تعلقات کو بھی جامع اسٹریٹجک اشتراک کی سطح پر لانے کے خواہش مند ہیں۔
چاوش اولو نے کہا ہے کہ آنے والی وقت میں ،وزرائے خارجہ مشاورتی میکانزم اجلاس بھی جامع شکل میں منعقد کیا جائے گا۔
مذاکرات کے بعد دونوں وزرائے خارجہ نے کورونا وائرس ویکسین کے شعبے میں ترکی اور چین کے درمیان باہمی تعاون کی عکاس تصویری نمائش کی سیر کی۔
ترکی کے صدر رجب طیب ایردوان بھی وانگ ژی کے ساتھ ملاقات کریں گے۔
