پاکستان میں کورونا ویکسین مہم کا آغاز ہو چکا ہے ویسکین لگوانے کے لیے قومی شناحتی کارڈ کی شرط لازمی قرار دی گئی ہے لیکن اس وقت پاکستان میں رہنے والے تیس لاکھ افراد کے پاس قومی شناحتی کارڈ نہیں ہے جس کی وجہ سے ان تمام افراد کا ویکسین سے محروم رہنے کا حدشہ ہے۔
فی الحال ویکسین لگوانے کے اہل افراد میں کمپیوٹرائزڈ قومی شناختی کارڈ (سی این آئی سی) رکھنے والے پاکستانی شہری یا مہاجرین کی حیثیت رکھنے والے تاریکین وطن شامل ہیں۔ اب تک پاکستان کی کل 20 کڑور کی آبادی میں سے تیس لاکھ افراد کی ویکسینیشن ہوچکی ہے۔
خدشہ ہے کہ ملک میں بسنے والے 15 لاکھ افغان مہاجرین شناحتی دستاویزات نہ ہونے کے باعث ویکسین سے محروم رہ جائیں گے۔
یاد رہے کہ حالیہ برسوں میں رجسٹریشن اتھارٹی ، نیشنل ڈیٹا بیس رجسٹریشن اتھارٹی (نادرا) نے مختلف وجوہات کی بناء پر ہزاروں سی این آئی سی کو بلاک کردیا تھا۔
پاکستان میں رہائش پذیر رجسٹررڈ اور غیر رجسٹررڈ مہاجرین کی تعداد 28 لاکھ ہے جو کہ ترکی اور شام کے بعد دنیا میں سب سے زیادہ ہے۔ جبکہ رجسٹرڈ مہاجرین کی تعداد نصف ہے ۔
