turky-urdu-logo

ترکیہ کی ریکارڈ یومیہ برآمدات ، 1 دن میں 2.121 بلین ڈالر کی برآمدات

ترک ویر تجارت کا کہنا ہے کہ ملک 23 جون کو یومیہ برآمدات میں 2.121 بلین ڈالر کی تاریخی بلند ترین سطح پر پہنچ گیا۔

عمر بولات نے اپنی ایک ٹوئٹ میں کہا کہ 23 جون کو یومیہ تاریخی ریکارڈ کے ساتھ ہماری برآمدات 2.121 بلین ڈالر تک پہنچ گئی۔

بولات نے اس بات پر بھی روشنی ڈالی کہ موجودہ یومیہ برآمدی قدر 1977 ($1.753 بلین) کے سالانہ برآمدی اعداد و شمار اور 1999 کے ماہانہ برآمدی اعداد و شمار (اگست میں $1.940 بلین) سے زیادہ ہے۔

انہوں نے اقتصادی چیلنجوں کے باوجود اس تاریخی سنگ میل کو حاصل کرنے میں برآمد کنندگان کی طاقت اور متحرک ہونے کی تعریف کی۔

عمر بولات نے پائیدار برآمدی نمو، درآمدی انحصار میں کمی، معاشی استحکام اور مضبوط پیداوار برآمدی سلسلہ کے ساتھ سرمایہ کاری کے لیے سازگار ماحول کی اہمیت پر زور دیا۔

ترکیہ کے شماریاتی ادارے (TurkStat) کے مطابق، ترکیہ کی برآمدات ایک سال پہلے کے مقابلے میں 14.4 فیصد بڑھ کر مئی میں 21.7 بلین ڈالر تک پہنچ گئیں، جبکہ درآمدات 15.5 فیصد بڑھ کر 34.2 بلین ڈالر تک پہنچ گئیں۔

ترکیہ کے اہم تجارتی پارٹنر جرمنی نے مئی میں 1.8 بلین ڈالر مالیت کی ترک برآمدات حاصل کیں۔ دیگر اہم بیرون ملک ترسیل امریکہ کو 1.3 بلین ڈالر، برطانیہ کو 1.1 بلین ڈالر، عراق کو 1.01 بلین ڈالر اور اٹلی کو 1 بلین ڈالر کی ترسیلات تھیں۔

Alkhidmat

Read Previous

ٹکا کوآرڈینیٹر کا قائد اعظم یونیورسٹی اسلام آباد کا دورہ

Read Next

ترک قونصل جنرل کراچی کا آرٹ کونسل آف پاکستان کا دورہ

Leave a Reply