بنگلہ دیش کی جانب سے ساٹھ ملین ڈالر کی لاگت سے ترکی سے خریدے گئے ٹی آر جی 300 ملٹی پل لانچ راکٹ سسٹم کو فوج میں باقاعدہ شامل کردیا گیا ہے۔ ترک کمپنی راکٹسان کے تیا ر کردہ اس ایم ایل آر ایس کو ایک تقریب کے دوران بنگلہ دیش کی آرمی کے حوالے کیا گیا، اس تقریب میں بنگلہ دیش کی وزیر اعظم شیخ حسینہ واجد نے خصوصی طور پر شرکت کی۔ بنگلہ دیش کی فوج کو اس سسٹم کی ٹوٹل تین بیٹریز یعنی 18 لانچ وہیکلز فراہم کی جائیں گی۔ تین سو ملی میٹر راکٹ کے ساتھ اس سسٹم کی زیادہ سے زیادہ رینج 120 کلومیٹر ہے۔
