ترکی میں قدیم شہر کی کھدائی کے دوران کھلونےدریافت

مغربی ترکی کے ایک قدیم شہرکی کھدائی کے دوران کھلونے اور سککوں کے نمونے ملے ہیں۔

اس کھدائی کے منصوبے کے سربراہ  قدیر پیکتاس نے میڈیا کو بتاتے ہوئے کہا کہ  مغلوں کے میلس ضلع میں 5،000 سالہ قدیم شہر بیکن کی دریافتوں نے اس دور کی سماجی و معاشی اور ثقافتی زندگی پر روشنی ڈالی ہے۔

قدیم شہر میں ہیلینستک ، عثمانی ، رومن اور بازنطینی دور سے تعلق رکھنے والے کھلونے ، انگوٹھیاں ، کڑے ، ہار اور سکے ملے ہیں جن کو 2012 میں یونیسکو کی عالمی ثقافتی ورثہ کی عارضی فہرست میں شامل کیا گیا تھا۔

خاص طور پر جانوروں کی شکل کے حامل مجسمے والے کھلونے ، جن میں زیادہ تر رومن عہد کے کھلونے شامل ہیں دریافت ہوئے ہیں۔

 یہ چیزیں اس دور کی بھر پور اور متحرک معاشرتی اور ثقافتی زندگی کو اجاگر کرتی ہیں۔

انہوں نے مزید کہا کہ یہ قدیم شہر کی کھدائی سال کے آخر تک جاری رہے گی۔

Read Previous

مزید عرب ممالک کو اسرائیل کا دوست بننے کے لئے تیار کرو، ٹرمپ کا یو اے ای سے مطالبہ

Read Next

وزیراعظم پاکستان نے معاون خصوصی عاصم سلیم باجوہ کا استعفی منظورکر لیا

Leave a Reply