صدر رجب طیب ایردوان کا کویت کے امیر سے ٹیلی فونک رابطہ

صدر رجب طیب ایردوان نے نئے امیر کویت شیخ نواف الاحمد الجابر الصباح سے ٹیلیفون پر بات چیت کی۔
صدر نے گفتگو کے دوران مرحوم امیر صباح الاحمد الجابر الصباح کی نا گہانی وفات پر گہرے افسوس کے اظہار سمیت ان کے اہل خانہ کےلیے صبر جمیل کی دعا اور کویتی عوام سے بھی دلی تعزیت کی۔
صدر ایردوان نے بعد ازاں نئے امیر کو عہدے کی مبارک باد پیش کرتےہوئے امید ظاہر کی کہ ان کے دور اقتدار میں ترک۔کویت تعلقات میں فروغ حاصل ہوگا جس کا اثر علاقائی امن و استحکام پر بھی پڑے گا۔