صدر ایردوان نے انقرہ میں منعقد ہونے والے ملک کے اعلیٰ ترین ٹیکنالوجی اور ایرو اسپیس ایونٹ ٹیکنوفیسٹ میں شرکت کی۔
ٹیکنوفیسٹ سے خطاب کرتے ہوئے صدر ایردوان کا کہنا تھا کہ ہمارے نوجوان سائنس، ٹیکنالوجی، تحقیق اور ترقی کی طرف مائل ہیں اور ریاست اس کی ترقی میں تمام وسائل لگا رہی ہے۔
صدر ایردوان کا کہنا تھا کہ ہم نے ٹیکنوفیسٹ میں جو منظر دیکھا اس سے ظاہر ہوتا ہے کہ ہم نے ایک نتیجہ خیز سرمایہ کاری کی ہے۔
انہوں نے کہا کہ آج کے دور میں کسی شخص کی قدر کا اندازہ اس کی صلاحیتوں اور پیداواری صلاحیت سے لگایا جاتا ہے۔
ترک رہنما نے کہا کہ ترکیہ کے پاس اب ڈرون اور لڑاکا طیارے ہیں، اور تاریک وقت پیچھے رہ گیا ہے، انہوں نے مزید کہا کہ اس سال جمہوریہ ترکی کے قیام کی 100 ویں سالگرہ کے موقع پر تین شہروں میں ٹیکنوفیسٹ کا منصوبہ بنایا گیا تھا۔
یہ تقریب مئی میں استنبول میں منعقد ہوئی، جس میں 2.5 ملین مہمانون کا استقبال کیا گیااور جو کہ ایک عالمی ریکارڈ ہے، اور 27 ستمبر سے یکم اکتوبر کو ایجیئن شہر ازمیر میں منعقد کیا جائے گا۔
اس تقریب کا اہتمام T3 فاؤنڈیشن اور ترکی کی وزارت صنعت و ٹیکنالوجی نے 2018 سے مشترکہ طور پر درجنوں وزارتوں، سرکاری اداروں، نجی فرموں اور یونیورسٹیوں کے تعاون سے کیا ہے۔
