fbpx
ozIstanbul

استنبول میں طوفان بادو باران، درخت جڑوں سے اکھڑ گئے،بس سروس معطل

ترکی کے سب سے گنجان آباد شہر استنبول میں آج علی الصبح تیز ہواوٗں کے جھکڑ چلنے سے کئی درخت جڑوں سے اکھڑ گئے اور کچے مکانات کی چھتیں گِر گئیں۔

استنبول کے مشرقی اضلاع سلطان غازی، غازی عثمان پاشا، بکریکائے، باغ جیلار، بے اولو، کاغی تھانے، بے رام پاشا اور ایزنلر میں ہلکی بارش کے ساتھ تیز ہوائیں چلنا شروع ہوئیں اور پھر یہ طوفانی ہواوْں میں بدل گئیں۔

تیز ہواوٗں سے ایک درخت فلوریا اسٹیشن کے باہر گر گیا لیکن بس سروس میں خلل نہیں آیا۔ اتاکوئے میں ایک درخت پارکنگ میں کھڑی کار پر گرا جس سے کار کو نقصان پہنچا۔

تیز ہواوٗں کے باعث استنبول کی فیری سروس معطل کر دی گئی ہے۔ استنبول سی بس کمپنی کا کہنا ہے کہ برسا اور استنبول کے درمیان فیری سروس فی الحال بند ہے۔

طوفانی ہواوٗں کی وجہ سے استنبول میٹروپولیٹن میونسپلٹی کی استنبول سٹی لائنز بس سروس بھی روک دی گئی ہے۔

پچھلا پڑھیں

ترک خاتون اور انڈونیشیا کے نوجوان کی آن لائن منگنی، رشتہ داروں کی شرکت

اگلا پڑھیں

ترک ڈاکٹرز اور ہیلتھ کیئر ورکرز کے لئے کورونا ویکسین کا دوسرا مرحلہ شروع

2 Comments

  • استنبول ایک نہایت خوبصورت اور دلکش شہر ہے اور تاریخی لحاظ سے بھی نہایت اہمیت کا حامل ہے اس عظیم شہر کو اللہ تعالیٰ قدرتی آفتوں اور تباہیوں سے محفوظ رکھے ۔۔۔

    • آمین

تبصرہ شامل کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے