ترکیہ میں پاکستان کے نئے سفیر ڈاکٹر یوسف جنید نے صدارتی محل انقرہ میں صدر ایردوان سے ملاقات کی۔
ترک سفیر نے صدر ایردوان کو اپنی سفارتی دستاویزات پیش کیں۔
دونوں ممالک کے درمیان 75 سال مکمل ہونے پر جشن منایا جا رہا ہے۔
سفیر نے صدر ایردوان سے ملاقات کے دوران انہیں پاکستان کی قیادت کی جانب سے ترک حکومت اور عوام کے لیے نیک تمناؤں کا پیغام پہنچایا اور 25 سے 26 نومبر کو وزیر اعظم پاکستان کے کامیاب دورہ کے بعد کی جانے والی کارروائیوں سمیت باہمی دلچسپی کے امور پر تبادلہ خیال کیا۔
بات چیت کے دوران، سفیر نے آزمائشوں اور مصیبتوں میں پاکستان کے ساتھ کھڑے ہونے پر ترک قیادت کا شکریہ ادا کیا۔
انہوں نے سیلاب سے ہونے والی تباہی سے نمٹنے کے لیے ترکیہ کی جانب سے پاکستان کو فوری اور بامعنی مدد کرنے پر صدر ایردوان کا شکریہ ادا کیا۔
سفیر نے اس بات پر بھی روشنی ڈالی کہ حکومت پاکستان نے تجارت، اقتصادی تعاون اور رابطوں پر ایک پریمیم رکھا ہے، جو انکی یہاں موجودگی کے دوران سر فہرست رہے گا۔
صدر ایردوان نے دونوں برادر ممالک کے درمیان تعلقات کی غیر معمولی نوعیت پر زور دیا اور مختلف شعبوں میں تعاون کو مزید مضبوط بنانے کے لیے اپنی حمایت کی یقین دہانی کروائی ۔
صدر مملکت نے دوطرفہ سفارتی تعلقات کے قیام کی 75ویں سالگرہ پر دونوں ممالک کے عوام کو مبارکباد بھی دی۔
